Детската насмевка и детската радост не се заменливи со ништо на овој свет. А за дечињата од домот “11 Октомври” секогаш имам срце полно радост.
Како и секоја година така и оваа решив сите годишни дневници да ги донирам токму за овие дечиња, на кои им требаат еднакви можности за раст, развој и среќа во животот. Со мојот мал придонес ќе им овозможам пролетен излет за велигденските и првомајските празници.
Воедно сакам да упатам голема благодарност за честа и признанието што домот “11 Октомври” денеска ми го додели.
Да помагаме секогаш кога можеме, да бидеме хумани. Секое дете заслужува насмевка на лицето во убавите празнични денови.
