Утрово информиравме за тешката сообраќајна несреќа кај Валандово на која интервенираа ТППЕ Валандов, ТППЕ Гевгелија и ТППЕ Струмица, како и кран, два багери и неколку екипи на полицијата.
Министерството за внатрешни работи (МВР) информираше за настанот со официјално соопштение:
На 19.11.2025 околу 04:20 часот во ОВР Гевгелија е пријавено дека на регионалниот пат Валандово – Дојран, товарно возило „мерцедес“ со полуприколка со српски национални ознаки, управувано од С.М.(52) од Србија, излетало од коловозот.
Од здобиените повреди, на местото починало женско лице-мигрант од Кина, а лекар од Итна медицинска помош констатирал смрт. По наредба на јавен обвинител, телото на починатата е дадено за обдукција.
Со повреди се здобиле уште седум лица-мигранти од Кина, кои без знаење на возачот влегле во приколката.
Возачот С.М. е задржан во Јавната здравствена установа Гевгелија за укажување помош. Увид на местото на несреќата, во присуство на јавен обвинител, изврши екипа од ОВР Гевгелија.