Познатиот музичар Саша Катанчич почина ненадејно на 16 април 2026 година, како последица на срцев удар, оставајќи зад себе голема тага кај семејството, пријателите и јавноста.
Според информациите, погребот ќе се одржи во понеделник на Ново бежаниско гробље во Белград, каде најблиските ќе му оддадат последна почит. Опелото е закажано во црквата „Свети апостол Тома“, по што ќе следи погребната церемонија.
Во објавената посмртница, семејството со емотивни зборови се прости од него, истакнувајќи ја болката по загубата на саканиот сопруг, татко, син и брат.
Веста за неговата смрт дополнително ја потресе јавноста ако се има предвид дека Катанчич неодамна преживеа тежок емотивен период. Тој претходно јавно се простуваше од своите кумови, кои трагично го загубија животот во сообраќајна несреќа во Белград.
Несреќата се случила кога возач на автомобил поминал на црвено светло и со голема брзина удрил во возило во кое се наоѓало тричлено семејство, кое загинало на самото место. Овој трагичен настан предизвика силни реакции, а Катанчич тогаш сподели емотивни пораки и фотографии на социјалните мрежи.
Со кратки, но длабоки зборови, тој ја изрази својата болка, објавувајќи фотографија со кумовите и пораката дека тие засекогаш ќе останат во неговото срце.
Денес, по неговата смрт, тие објави добиваат уште посилно значење. На социјалните мрежи се споделува фотографија со порака дека „сега се сите заедно“, што кај многумина предизвика силни емоции и тага.