Крушево во последните осум години бележи значителен напредок, со проекти и активности кои го претворија градот во пример за модерна и функционална локална самоуправа. Под раководство на градоначалникот Томе Христоски, општината инвестира во инфраструктура, туризам, култура и младински политики, со што се подобрува секојдневието на жителите и се отвораат нови перспективи за иднината.
Во изминатиот период се реконструираа бројни улици и патишта, се постави нова јавна расвета, а делови од градот добија поуреден изглед со нови јавни површини. Со тоа се создава подобра безбедност и повисок квалитет на живот за граѓаните.
Крушево стана препознатлива туристичка дестинација не само во Македонија, туку и во регионот. Се реализираа проекти за поддршка на зимскиот и алтернативниот туризам, како и активности за промоција на културното наследство. Традиционалните манифестации – од чествувањето на Илинден до настаните во чест на Тоше Проески – добија дополнителна поддршка и денес привлекуваат голем број посетители.
Општината вложува и во младински политики и спортска инфраструктура. Со обновени терени и нови програми за млади, Крушево станува средина која нуди можности за креативност, спорт и активен живот.
Подобрената инфраструктура и засилената туристичка понуда носат економски придобивки за локалните угостители, занаетчии и мали бизниси. Се зголемува бројот на посетители, што директно влијае на локалната економија.
Граѓаните очекуваат ваквиот тренд на развој да продолжи и во иднина. Со нови проекти и континуирана работа, Крушево има потенцијал да го задржи статусот на град кој истовремено го негува своето богато наследство и создава современи услови за живот и работа.
Од она што може да се забележи при разговор со Крушевчани, заслужен за ваквиот расплет е градоначалникот Томе Христоски, кој навистина успеа од Крушево да направи туристичка атракција за сите од државата, но и Балканот. Токму Христоски ќе биде кандидат за градоначалник и ќе ја бара довербата за трет мандат, што според чаршиските муабети, ќе се реализира со убедлива победа во прв круг.
