Двегодишно момче од Русија, Владимир Јакубанец, почина од компликации откако беше каснато од медуза на плажата Ченан во Малезија.
Неговиот татко, Никита (32), рече дека сè се случило ненадејно додека неговиот син си играл во плитките води.
– Сопругата ми го предаде мене, а по неколку секунди престана да дише. Веднаш почнав со реанимација, а другите туристи помогнаа што поскоро да нè префрлат во службата за спасување на плажата – рече тој.
Спасувачите ја измиле раната со оцет, а потоа го однеле Владимир во клиниката, а потоа и во болница.
И покрај најдобрите напори на медицинските екипи во Лангкави и Алор Сетар, Владимир бил прогласен за мртов во 9:46 часот наутро на 19 ноември, по петдневна борба.
Никита рече дека семејството ја цени помошта и нема планови да покрене законска постапка, но се надева дека трагедијата ќе послужи како предупредување за посетителите на плажата за опасностите од медузата.
Неговата мајка, Олга (32), го опиша Владимир како нежно и послушно дете, велејќи:
– Тој е наш херој… нашето мало ангелче. Секој ден му кажуваме дека го сакаме, а тој секогаш одговараше дека и тој нè сака нас – рече таа.
Двојката планира да ја однесе пепелта на Владимир назад во Русија по кремацијата.
Кутијата медуза се меѓу најотровните морски суштества и го испуштаат својот отров кога нивните пипала ќе ја допрат кожата. Нивното убод може да биде фатално ако не се третира веднаш.