Дарко Лазиќ верува дека Лукас завршил во притвор непотребно и дека веројатно станува збор за недоразбирање во организацијата
Пред една недела, Аца Лукас беше приведен во Македонија. Страстите околу тој настан не се смирени, а сега и неговиот колега Дарко Лазиќ се огласи по повод оваа пригода.
– Малку следев преку социјалните мрежи, но не знам точно за што станува збор, претпоставувам дека станува збор за работни дозволи.
Во основа – некои бараат работни дозволи, а некои не. Сè зависи од организацијата, каква организација е. Апсолутно нема никаква врска со пејачите. Значи, веројатно има некое недоразбирање во организацијата, бидејќи мислам дека Аца Лукас е еден од најголемите професионалци. Не мислам дека е негова вината – рече Дарко во емисијата „Stars Special“.
Да ве потсетиме дека полицијата изврши рација во клубот во Кавадарци за време на настапот на Лукас. Го одведоа во станица каде што даде изјава. Голем број негови обожаватели се собраа и побараа негово итно ослободување.