Српските музички ѕвезди со години наназад се чести гости во Македонија и речиси да нема месец, а некој да не оддржи голем концерт во сала, стадион, на плоштад или во клуб.
Но во последно време изведувачите од кај нашиот северен сосед се најдо на „тапет во Македонија. Прво беше Цеца со бугарскот знаме во Велес, а пред еден ден и Аца Лукас во Кавадарци кога беше однесен во полициска станица.
Овојпат, проблем, но од помал карактер имаше уште еден српски пејач. За време на синоќешниот концерт на популарниот рап пејач Давид Љубљеновиќ, попознат по прекарот Девито, во салата „Јане Сандански“ во Скопјe, се случи вознемирувачка ситуација – примени се две закани за бомба.
Министерството за внатрешни работи потврди дека пријавите биле веднаш проверени и дека станува збор за лажни тревоги.
– „На 22 ноември 2025 година, во 20:51 и 21:17 часот, на линијата 112 биле примени повици за наводно поставени експлозивни направи во спортската сала „Јане Сандански“ и хотелската зграда до неа. Полицијата веднаш реагирала, извршени се сите проверки и е утврдено дека пријавите се лажни. Сè уште се преземаат мерки за расветлување на случајот“, соопшти Министерството за внатрешни работи.
Според информациите од медиумите, двата повици дошле од телефони кои биле исклучени веднаш по пријавите. Сепак, полицијата успеала да ги лоцира повиците, што не било случај во два претходни случаи во кои бил вклучен истиот промотор, кога концертите морале да бидат евакуирани поради лажни закани. Повиците дошле од внатрешноста на земјата.
Сепак, салата не беше евакуирана за време на концертот. Пејачот, познат по носењето маска за да го скрие својот идентитет, настапи до крајот – до 23 часот.
Според извори на Телма, промотерот веднаш ја известил македонскиот полицаец поради претходни искуства, а бил изготвен и посебен безбедносен план за да се избегнат какви било несакани последици. Антитерористичка екипа ја прегледала празната сала пред концертот, а организаторите имале и детектори за метал. И покрај заканите, проверката била брзо завршена благодарение на претходните подготовки. Еден од повиците бил лоциран, а полицијата сè уште се обидува да го пронајде лицето зад лажната пријава.