Поголемиот дел од Грција е под влијание на екстремно обилни врнежи од дожд. Обилните дождови доаѓаат во бранови со силни врнежи од дожд и грмотевици, додека силни удари од ветрови се регистрирани на бројни локации. Најкритична ситуација е во областите покрај Егејското Море каде што веќе се регистрирани големи поплави.
Пороите носеа сè пред себе, а автомобилите се движеа на некои места како да се играчки во рацете на водата.
Најмногу врнежи се прогнозираат за Егејското Море и северна Грција. Се очекува да наврнат од сто до двесте литри нов дожд на квадратен метар, додека локално би можело да биде над триста литри, што се количини што обично паѓаат во текот на неколку месеци.
Поради ова, постои сериозен ризик од нови поплави и порои, но и потенцијална опасност по животите на луѓето, како и голема материјална штета.
Силните поројни дождови и бури ќе го зафатат поширокото подрачје на Солун, каде што има и предупредување за опасност од поројни текови. Според прогнозите, многу лошо време ќе трае до крајот на неделата, а снег ќе падне и на повисоките планини.
Бурно време и обилни врнежи од дожд ќе се прошират во западните и јужните делови на Турција, кон јужните и југоисточните делови на Македонија, како и југозападна Бугарија, исто така, би можеле да бидат погодени од многу интензивни врнежи од дожд.
Линк од поплавите во соседна Грција може да погледнете тука.